ధన్వంతరీ స్తోత్రం
దేవ వైద్యులైన ధన్వంతరి స్తోత్రం ఇది. ధన్వంతరిని God of Ayurveda అని అంటారు. ధన్వంతరి కృప కలిగితే సకల జాడ్యాలు నశించి చక్కటి ఆరోగ్యం కలుగుతుంది.
సకల పాప కర్మల్ని నశింపజేసి మంచి ఆరోగ్యాన్ని ధన్వంతరి కలిగిస్తారు.
శ్రీ నారాయణ స్వరూపమైన ధన్వంతరిని ఆరోగ్యం కోసం పూజించాలి. ప్రస్తుత పరిస్తితి లో కరోన వైరస్ విజృంభిస్తోంది.
ఇటువంటి విష రోగాల నివారణకు నారాయణ స్వరూపమైన ధన్వంతరి కృప అందరికీ అవసరం. అందువల్ల
ప్రతి ఒక్కరూ ఇళ్లలోనే ఉండి ఈ స్తోత్రాన్ని రోజుకు 3 సార్లు పఠించండి. అపాయం నుండి
తక్షణమే రక్షణ కలుగుతుంది. దేశ రక్షణకు స్వీయ రక్షణకు ఈ స్తోత్రాన్ని రోజుకు 3 సార్లు
పఠించడం అందరికీ అవసరం. ఉదయం, మధ్యాన్నం, సాయంత్రం పఠించండి.
స్తోత్ర చివర ఇవ్వబడిన ధన్వంతరి మంత్రాన్ని వీలైనన్ని ఎక్కువసార్లు
జపించాలి. స్తోత్రం రోజుకి 3 సార్లు చదువలేని
వారు ఈ మంత్రాన్ని 11 సార్లు ఉదయం,
11 సార్లు మధ్యాన్నం, 11 సార్లు సాయంత్రం జపం చేసుకోవచ్చు.
||ఓం నమో నారాయణాయ||
శ్రీ ధన్వంతరి స్తోత్రం
నమో నమో విశ్వవిభావనాయ
నమో నమో లోకసుఖప్రదాయ ।
నమో నమో విశ్వసృజేశ్వరాయ
నమో నమో నమో ముక్తివరప్రదాయ ॥ ౧॥
నమో నమస్తేఽఖిలలోకపాయ
నమో నమస్తేఽఖిలకామదాయ ।
నమో నమస్తేఽఖిలకారణాయ
నమో నమస్తేఽఖిలరక్షకాయ ॥ ౨॥
నమో నమస్తే సకలార్త్రిహర్త్రే
నమో నమస్తే విరుజః ప్రకర్త్రే ।
నమో నమస్తేఽఖిలవిశ్వధర్త్రే
నమో నమస్తేఽఖిలలోకభర్త్రే ॥ ౩॥
సృష్టం దేవ చరాచరం జగదిదం బ్రహ్మస్వరూపేణ తే
సర్వం తత్పరిపాల్యతే జగదిదం విష్ణుస్వరూపేణ తే ।
విశ్వం సంహ్రియతే తదేవ నిఖిలం రుద్రస్వరూపేణ తే
సంసిచ్యామృతశీకరైర్హర మహారిష్టం చిరం జీవయ ॥ ౪॥
యో ధన్వన్తరిసంజ్ఞయా నిగదితః క్షీరాబ్ధితో నిఃసృతో
హస్తాభ్యాం జనజీవనాయ కలశం పీయూషపూర్ణం దధత్ ।
ఆయుర్వేదమరీరచజ్జనరుజాం నాశాయ స త్వం ముదా
సంసిచ్యామృతశీకరైర్హర మహారిష్టం చిరం జీవయ ॥ ౫॥
స్త్రీరూపం వరభూషణామ్బరధరం త్రైలోక్యసంమోహనం
కృత్వా పాయయతి స్మ యః సురగణాన్పీయూషమత్యుత్తమమ్ ।
చక్రే దైత్యగణాన్ సుధావిరహితాన్ సంమోహ్య స త్వం ముదా
సంసిచ్యామృతశీకరైర్హర మహారిష్టం చిరం జీవయ ॥ ౬॥
చాక్షుషోదధిసమ్ప్లావ భూవేదప ఝషాకృతే ।
సిఞ్చ సిఞ్చామృతకణైః చిరం జీవయ జీవయ ॥ ౭॥
పృష్ఠమన్దరనిర్ఘూర్ణనిద్రాక్ష కమఠాకృతే ।
సిఞ్చ సిఞ్చామృతకణైః చిరం జీవయ జీవయ ॥ ౮॥
ధరోద్ధార హిరణ్యాక్షఘాత క్రోడాకృతే ప్రభో ।
సిఞ్చ సిఞ్చామృతకణైః చిరం జీవయ జీవయ ॥ ౯॥
భక్తత్రాసవినాశాత్తచణ్డత్వ నృహరే విభో ।
సిఞ్చ సిఞ్చామృతకణైః చిరం జీవయ జీవయ ॥ ౧౦॥
యాఞ్చాచ్ఛలబలిత్రాసముక్తనిర్జర వామన ।
సిఞ్చ సిఞ్చామృతకణైః చిరం జీవయ జీవయ ॥ ౧౧ ॥
క్షత్రియారణ్యసఞ్ఛేదకుఠారకరరైణుక ।
సిఞ్చ సిఞ్చామృతకణైః చిరం జీవయ జీవయ ॥ ౧౨॥
రక్షోరాజప్రతాపాబ్ధిశోషణాశుగ రాఘవ ।
సిఞ్చ సిఞ్చామృతకణైః చిరం జీవయ జీవయ ॥ ౧౩॥
భూభరాసురసన్దోహకాలాగ్నే రుక్మిణీపతే ।
సిఞ్చ సిఞ్చామృతకణైః చిరం జీవయ జీవయ ॥ ౧౪॥
వేదమార్గరతానర్హవిభ్రాన్త్యై బుద్ధరూపధృక్ ।
సిఞ్చ సిఞ్చామృతకణైః చిరం జీవయ జీవయ ॥ ౧౫॥
కలివర్ణాశ్రమాస్పష్టధర్మర్ద్ద్యై కల్కిరూపభాక్ ।
సిఞ్చ సిఞ్చామృతకణైః చిరం జీవయ జీవయ ॥ ౧౬॥
అసాధ్యాః కష్టసాధ్యా యే మహారోగా భయఙ్కరాః ।
ఛిన్ధి తానాశు చక్రేణ చిరం జీవయ జీవయ ॥ ౧౭ ॥
అల్పమృత్యుం చాపమృత్యుం మహోత్పాతానుపద్రవాన్ ।
భిన్ధి భిన్ధి గదాఘాతైః చిరం జీవయ జీవయ ॥ ౧౮ ॥
అహం న జానే కిమపి త్వదన్యత్
సమాశ్రయే నాథ పదామ్బుజం తే ।
కురుష్వ తద్యన్మనసీప్సితం తే
సుకర్మణా కేన సమక్షమీయామ్ ॥ ౧౯ ॥
త్వమేవ తాతో జననీ త్వమేవ
త్వమేవ నాథశ్చ త్వమేవ బన్ధుః ।
విద్యాహినాగారకులం త్వమేవ
త్వమేవ సర్వం మమ దేవదేవ ॥ ౨౦॥
న మేఽపరాధం ప్రవిలోకయ ప్రభోఽ-
పరాధసిన్ధోశ్చ దయానిధిస్త్వమ్ ।
తాతేన దుష్టోఽపి సుతః సురక్ష్యతే
దయాలుతా తేఽవతు సర్వదాఽస్మాన్ ॥ ౨౧॥
అహహ విస్మర నాథ న మాం సదా
కరుణయా నిజయా పరిపూరితః ।
భువి భవాన్ యది మే న హి రక్షకః
కథమహో మమ జీవనమత్ర వై ॥ ౨౨॥
దహ దహ కృపయా త్వం వ్యాధిజాలం విశాలం
హర హర కరవాలం చాల్పమృత్యోః కరాలమ్ ।
నిజజనపరిపాలం త్వాం భజే భావయాలం
కురు కురు బహుకాలం జీవితం మే సదాఽలమ్ ॥ ౨౩॥
క్లీం శ్రీం క్లీం శ్రీం నమో భగవతే జనార్దనాయ సకలదురితాని నాశయ
నాశయ ।క్ష్రౌం ఆరోగ్యం కురు కురు । హ్రీం దీర్ఘమాయుర్దేహి
స్వాహా ॥ ౨౪॥
॥ ఫలశ్రుతిః॥
అస్య ధారణతో జాపాదల్పమృత్యుః ప్రశామ్యతి ।
గర్భరక్షాకరం స్త్రీణాం బాలానాం జీవనం పరమ్ ॥ ౨౫॥
సర్వే రోగాః ప్రశామ్యన్తి సర్వా బాధా ప్రశామ్యతి ।
కుదృష్టిజం భయం నశ్యేత్ తథా ప్రేతాదిజం భయమ్ ॥ ౨౬॥
॥ ఇతి సుదర్శనసంహితోక్తం
అమృతసఞ్జీవన ధన్వన్తరి స్తోత్రమ్
సూర్యదేవర వేణుగోపాల్
మధిర ఖమ్మం జిల్లా తెలంగాణా
No comments:
Post a Comment